أرسل  عبدالعزيز  بن سعد الخزيم  صورة عمه محمد بن معيتق بن خزيم ( رحمه الله ) الى ابنه خزيم بن محمد  وقال هذه الابيات  :


يا عزيزً غدا عني سنينً طويله
     مانسيته وهو من شايبي مانساني
ياابو سعود ي زين الحياه  الجميله
       بين هاك الجبال وبين ذيك المباني
لو يضيع الدليله ماتدور دليله
 شاهدن لك ويشهد لك سهيل اليماني
انت تذكر زمانً يوم جتنا المخيله
    سيلت وادي قصيبا وانا في مكاني
ودي اذكر الهاجس ويذكر عميله
    في ليالً مضت سجلتها من بياني   


 خزيم بن محمد الخزيم 
 


فلما سمع عبدالعزيز بن سعد الخزيم القصيدة نظم قصيدة يقول فيها :


مرحبا ياعضيدن مالقينا بديله
     اشهدني اعدك واحدن من اخواني
المراجل تجي لك ياخزيم ذليله
    تستحي من مقامك ياعريب المجاني
الليالي الجميله باقيه بالمخيله
      مانسينا لياليها وحلو الزماني
اتذكر شعيبه واتذكر مسيله
    ديرتي ياعميلي ساكنه بالمحاني
ديرة شيوخنا اللي للمعادي عليله
   جدي وجدك الي جعلهم بالجناني



عبدالعزيز سعد الخزيم